2020年2月25日星期二

風眼中







 年月消逝中 才悟風中轉
全為貪順風 沒作主挑選

如今逆風 豪邁的奔遠
重拾心內真 撞碎風千串

嘿喲 哼嘿喲 風吹我吹不斷
嘿喲 哼嘿喲 風吹我吹不斷




「禪師,近排有冇去撲口罩同廁紙?」
冇,一向唔同人搶,二來我有做開義工。
「SO?」
呢啲情況有大量物資湧去社福機構,但機構唔好意思唔要,有多,於是乎我扐咗啲啲。

「哈咁都得?咁。。係咪都少咗出街食飯?」
都有出街食,現在是食家市,人流少,價錢平,服務佳。因為近乎冇人,相對安全。但開始社區有爆發跡象,當然响屋企最好,惹到自已唔緊要,做咗隱型人惹到其他人就唔應該。

「嗯!咁你仲有冇行山跑步呢?」
跑步少不了,日日做,要保持身體健康。行山沒了,尤其週六日,人群聚集風險高。」

「有冇入貨?」
而家風眼中冇乜人提股票同修例了,個個日日捽住啲新聞轉轉轉唔知為乜,所以我入咗少少,不過發現個市跌唔落去,工積金竟反而創新高,我都唔明。我諗聰明錢認為中國開始穏定。不過外國爆得仲勁,要防止疫情走返轉頭,唔知LOOP幾耐反而係我擔心既。
「LOOP咁大劑?。。。。。。。」
嗯!好似寫PROGRAM咁,LOOP死!