生金蛋的雞

免責聲明： 本文章只屬個人網誌，無論在任何情況下，不應被視為投資建議，讀者一切的投資決定引致的收益或損失，一概與本人無關。

20170228: 再儲貨87001, ¥3.1

無題

情人節快樂

先祝大家情人節快樂, 尤其近月人財兩得意的老BLOG友沙梨小姐, 哈哈! 她年紀不大, 但很早已寫BLOG, 經股神密友相處短短几個月, 整盤數立即靚哂, 恭喜~ :P


近日不約而同在BLOG及朋友間有年青人問我財務自由的想法. 其實我的想法既簡單且老套, 是我的個人體驗, 但應夠新鮮人用: 先學習富人思維, 讓它盡快換走我們自小養成的窮腦袋(自由自小就在窮人堆長大喔), 漸漸地會懂得如何利用逆向思維應用在生活上, 進而紀律地儲資產, 複式效應會自動為我們達致基本的財務自由. 不過, 這只是簡單容易及力量較小的方法, 我看到BLOGGER間還有很多不同想法, 年青人應樂於學習. 尤其最近留意到百樂兄的書及BLOG, 我認為年青人絕對不容錯過.


今天將會收到情人節的最佳禮物:---- 我兩大愛股的業績: 越房 , 朗廷, 希望不會令我失望.

----------------------

越秀房產基金去年可分派總額按年升17%

2017-02-14 HKT 17:12

越秀房地產投資信託基金去年可分派總額近8.25億元人民幣，按年增長17%，當中包括一筆4.83億元人民幣資本性金額。每基金單位末期分派約0.1506元人民幣，約相等於0.1699港元。全年每基金單位分派收益率約8%。

基金全年總經營收入逾18.37億元，按年增長7.5%。其中白馬大廈佔約22%，但經營收入下跌1.3%，國金中心經營收入增長3.8%，佔整體經營收入逾56%。旗下物業出租率均逾90%。

按業務劃分，來自寫字樓的收入8.15億元，增長15%，佔總收入逾44%



按: 果然沒有失望! 但未了解「一筆4.83億元人民幣資本性金額」是什么...?

----------------------  

  朗廷酒店投資去年盈利下跌71.6%，跌至4.1億元，主要是2015年錄得物業公平值增加近11億元，令比較基數偏高。期內可分派收入5.01億元，增長5%。末期分派每股份合訂單位13.8港仙，全年分派收益率8.1%。

朗廷去年總租金收入增加3.5%，達到7.06億元，淨物業收入5.94億元，增長5.4%。 

去年酒店組合可出租客房平均收入下跌 2.3%，但客房收入實際上升2.6%，主要由於香港朗廷酒店及香港康得思酒店完成修繕後增加可出租客房數目。

餐飲業務收入按年持平，整體酒店收入則上升 1.4 %。

按： 業績保持，有七厘半年息。

---------------------
近日儲股: 3818 $1.43 , 87001 ¥3.1

五年財務自由

昨日有位新鮮人問我，他月薪萬五，現已儲了五萬，想月供一萬股票(即每月平均支出五千)，几年后能否達至基本財務自由呢？


我計了一吓，原來五年已可，放在這裏給大家分享。

先投入五萬元，找只7.5厘的股票，月買一萬元，派息再投入：

五年后有$796791, 繼續投入，但已可停月買，可月取約五千元股息

即係你啱啱中六畢業，又讀唔到書，可以叫呀媽畀五萬蚊你，或者早買五个月，然后搵份萬五蚊工做五年，就有五千蚊做毒男，日日唔駛較鬧鐘，打机，上網，睇書，哈！

問題是那兒可找只7.5厘的股票，原來我手上有只，是酒店股，但不設月供，因為它存在其他變數(有咩七厘半股票會冇變數？)為免畀人鬧，有興趣自己找。

免責聲明： 本文章只屬個人網誌，無論在任何情況下，不應被視為投資建議，讀者一切的投資決定引致的收益或損失，一概與本人無關。

我又抽水

「我揸咗的士11年，每月開足30日工，每日揸12個鐘，一個月平均儲蓄$17500，一夠錢就買匯控，唔理咩價位。世紀供股果期我手持5200股，到上個月終於買夠40000股，每個月收過萬蚊息，依家可以退休了！ 

我同阿媽住自置頹樓，一個月用幾千蚊就夠了，以後我可以做毒L，唔較鬧鐘起床，日日打機，上網，睇書，打波了，好開心！」



此文在BLOG界引起極大迴响, 眾說紛云. 我也來抽吓水, 不過我要大讚樓主的恆心!

我見好多人又話佢假，又話獨贏滙豐好傻，又話因住減派息，又話自己多錢過佢几倍都未退休等等等。其實我都多過佢，我都唔會一注獨贏，我都未退休，但咁又點呢，最重要係睇別人優點嘛，何必雞蛋挑骨頭。要讚賞別人真係好難嗎？何況而家啲后生仔，唔月月光碌爆咭已偷笑，唔好講要佢地做足三十日，日日揸十二个鐘的士冇出街娛樂唔拍拖啦！

我認為樓主說的是真話, 很簡單, 馬后炮來說, 樓主獨贏滙豐, 其實是揀錯股, 要造假也不會選它吧! (剛睇原來四萬股HSBC STATEMENT 也貼了出來, 應好快上報紙訪問)

上面的12年圖, 大家很清楚, 咁買法應該冇乜SO, 而我比樓主好運, 我的人生首注滙豐是2009年一月買的, 是當時的58元.

似乎很多人忽略了他的毅力: 「揸咗的士11年，每月開足30日工，每日揸12個鐘」, 日做夜做冇乜娛樂, 買咗三年滙豐, 一個唔該跌到得返三十几蚊, 仲要供股, 之后浮浮沉沉到今時今日都係得66蚊, 比著係你可能跳咗樓了.

而家有40000股滙豐, 即約值$2640000

如果計佢十一年前開始每月平均買17500蚊滙豐, (當)五厘複利息計(大部份時間應冇五厘, 同埋近呢几年因為利息接近一萬, 其實唔駛咁搏):

唔買滙豐齋儲又點呢? (呢十年儲定期應該都冇乜息)

少咗75萬利息

即係話佢大部份時間係用高價買了滙豐(睇返我自已買咗八年, 唔計息都只有10%增長), 其實如果佢好似我咁响2009年一月先買, 估計用八年已可財務自由. 問題係點解佢又可以十一年財務自由呢? 理由好簡單:---- 毅力, 紀律, 佢月月嘔$17500出黎買股. 就算佢唔買股齋儲, 今日馬上扐來買滙豐, 一樣月月有約 $12000 (2310000 * 0.06 /12)股息收入.

試想一個的士司机, 揸咗的士11年，每月開足30日工，每日揸12個鐘, 而家可以做返每週開三日八小時工作日常開支, 股息再加少少繼續每月投入$17500, 再過十一年係咩環境?

以一個的士司机來說, 到時他只是44歲, 但已享受做半份工11年了, 股息每月有約 $35000 (8303461 * 0.05 / 12).  

如果22年前開始, 佢一路唔儲錢唔投資做月光族, 好彩既都可以揸到八十歲卦............

似乎好多網友唔知若要做假求其扐隻出來都好過滙豐, 又唔明咩叫財務自由, 更不知紀律, 恆心及複利的威力............. 實在大多人日做夜做為別人, 卻不肯花時間處理自己的財務, 可惜!

至於揀唔揀滙豐, 應唔應該提早退休, 應該做啲乜先有意義, 呢啲係樓主應對佢人生既個人選擇, 人人不同吧!

以下係樓主的部份解答:

-------------------------

日租$440, 紅日$390, 我朝三晏三一至五共收$1400, 六日收$1000, 開工收工免交通費, 著底衫開工都得(註: 唔知共收意思係減咗日租同氣錢未?)

我唔係月供! $50-$80 應該最多貨, 供股時供咗五手

我真係用緊 Nokia, 冇 whatsapp, line, 微訊...... 連 Facebook 都係疆屍户..

19歲考到牌, 22歲開始揸, 有咩好解釋?

每月給家用$2000

我一定比給$8000家用但唔看顧阿媽的人孝順......

我不煙不酒不粗勞, 又愛做運動, 健康係必然的! 我連近視都冇....

你講得啱, 賣旗探老人院執海灘果啲我真係覺得多L魚冇L用, 我一定唔做; 但義務補習就係唯一有意義兼自己有得著的義工, 我一定會做!

股息如果貶值, 間公司就自然會加價以增加派息來留住股東架啦, 你當啲上市公司傻架咩!

幾時開始買我唔記得, 但世紀供股時就一定有5200 股在手, 而我從冇選過以股代息, 仲有在中後期股價偏低時我就已收得較多股息, 所以$70 以下持貨率應該偏多, 當然我完全冇記低過...... 

我本身係好懶的, 以前勤力其實都係為咗以後可以懶!