2015年11月11日星期三

渣打同香吹水會

今日好忙, 因為是光棍節, 對, 我忙於淘東西, 淘寶光棍節減價有什麼特別? 沒什麼, 因為它們是「真正的大減價」, 香港幾乎找不到, 到現在為止已淘了十七件東西. 基於飛鳥兄要求會長(我)出一個同香會吹水頁, 也看到古兄的最新資料說渣打除權日有更改(改為本月十七日), 忙中也打點兒東西. 歡迎大家在此吹水. :D

利申:不計算收了兩次息,我現時平均價為$107, 蝕足30%以上 :(

P.S. 此網誌不是建議大家買入渣打, 只是會員間的交流.

2015年11月4日星期三

開估

啤酒每支10蚊,每兩吉樽可換一支,每四樽蓋又可換一支。現有52蚊,總共可飲多少支?

標準答案係15支, 進取答案係20支(亮點係突出黎果兩蚊)

大家計到嗎?:)

----------------

1. 了解佈局

通常朋友們都會以畫圖方式搵到答案係飲到15枝, 再剩返一個吉樽三個蓋. 但有冇諗過如果係買100枝呢, 咁咪大鑊?
其實每枝啤酒內裏都有三種不同價值既東西, 分別係酒, 樽, 蓋. 用方程式: 設樽係B (bottle), 蓋係C (cover)

2B= 1 + B +C ---> B= 1 + C
4C= 1 + B +C ---> 4C= 1+ (1+C) + C ---> C=1

C=1 , B=2  (原來蓋既價值係=一單位酒, 吉樽既價值係=兩單位酒)

所以買五枝酒就會有 5(1+ 2 + 1)  = 20 單位既酒, 咦? 但係畫圖得15個單位酒咋喎? 緊係啦, 剩返一個吉樽同三個蓋嘛, 咁咪即係 (3 + 2) = 5個單位既酒囉, 但係佢換唔到5枝酒嘛, 咁咪浪費咗?

----------------

2. 掌握規律

其實無論開始買幾多枝, 到最后都會剩返一個吉樽, 三個蓋. 而要計算飲到幾多支可用以下公式:
4(n-2) + 3 , n 係你自己出錢買回來既支數, 例如:
買5支, 4(5-2) + 3 = 15枝
買2支  4(2-2) + 3 =   3枝
買20枝 4(20-2) +3 = 75支

無論買幾多支, 最后都係剩返一吉樽及三個蓋.

-----------------

3. 尋找外援

如果要有效咁利用埋呢一吉樽及三個蓋, 就可以問隔離枱借兩支過來, 畀返10厘息對方, 即係$2, 咁你最后就能夠免費咁多飲五枝同埋還返兩枝未開過既啤酒畀隔離枱.

----------------

吓, 數你計咗, 計完一大輪都冇價值既? 呢個世界邊有咁著數呀!!! XYZ@#%

你會發現, 富人對呢個世界會充滿好奇, 學到既嘢可以應用响各方各面, 包括財務同人生, 窮人就係唔肯做一啲自以為冇價值既東西, 於是永遠缺乏學習動力. 窮? 係你揀既!





1. 了解佈局(了解地球的金錢規則)
2. 掌握規律(掌握所謂的經濟規律)
3. 尋找外援(單靠自己的力量不夠)

2015年11月3日星期二

承上題

啤酒每支10蚊,每兩吉樽可換一支,每四樽蓋又可換一支。現有52蚊,總共可飲多少支?

標準答案係15支, 進取答案係20支(亮點係突出黎果兩蚊)

大家計到嗎?:)

2015年11月1日星期日

飲勝

某晚自由去廟街大排檔飲酒,發現樽裝啤酒有新玩意。每樽10蚊,每兩個吉樽可換新一樽,而每四個樽蓋又可換新一樽。但我身上只有52蚊,最多可以飲幾多樽呢?