渣打同香會

有股份既請上來免費入會。^_^!

900@118
500@120 (自由嫂)
240@116.2 (自由外母)


以下來自東方網:
------------------------
渣打(02888) 近期業績差、股價殘，今日更再跌2.42%，持貨的網民個個叫救命。不過，股票起起跌跌經常有，小記又真係無諗過小情侣有可能因此結唔成婚咁大件事喎！近 日就有網民在討論區大吐苦水，指隻「易發發發」股價「愈跌愈有」，年尾擺酒尾期訂金都輸埋，晚晚失眠之餘，更未知如何開口同未來老婆講...唉，連結婚擺 酒錢都拿去買股票博一鋪，小記真係無言。

其實近期買了「易發發發」輸到喊的網民，討論區內又豈只得一位？有網民就發帖兼出圖，表明自己在 接近160元買了4000股渣打，更稱「帳面輸緊17萬幾呀！本來諗住年尾可以買多隻白金百事GMT過年帶吓，點知…」又指自己「唔敢同老母講…最慘係我 連止蝕的勇氣都無…」發帖者更表示自己「All In一隻股」，結果「一隻就嘔矖血。」同病相憐的網民見狀亦自動「揮手」，有網民大呻「幾日咋！跌到眼冤！」又有人稱「今日唔係死人冧樓佢都要跌成 咁!!」

不過，正所謂「一山還有一山高」，你慘佢更傪。有網民就另開一帖，喪叫連「擺酒錢」都輸埋，並大呻指「2888輸咗我30000元，本來啲錢年尾擺酒...畀條路行吓啦。無咗3個月人工，灰爆。」該網民更稱「唔敢同未來老婆講.....酒樓條數要月尾找Cash呀！」

有人閉翳有人卻感「慶幸」，指「陰功豬，見到你我覺得自己唔算好慘了」。亦有人覺得拿「緊要錢」去賭唔抵幫，有網民更「幸災樂禍」譏笑輸身家不如「婚宴改食蛇宴」，「伴郎換做新郎」。


其 實股價直插又可以點做呢？帖內不少人建議發帖者繼續「等」，「我輸咗成10萬都無講嘢，等啦！」部分網民則勸籲勢色不好要換貨，「Cut Loss La仲睇呢隻...必die至100蚊...」，有人更分析指「呢隻嘢成日畀人罰...有得賺至奇」，奉勸大家「唔好再買渣打，沉迷撈底倒錢落海」。

點都好，小記認為網民當務之急，都是先諗諗結婚酒席如何「埋尾」，至於「易發發發」能否返到「家鄉」，或者要等網民生埋仔才知道，總之記住到時唔好連「奶粉錢」都輸埋就得啦。