2014年6月6日星期五

四週年

今天是20140606,此博客剛好寫了四年, 距離一千蚊目標還有一年。統計一番離目標有多遠:

 20100606自由工積金128蚊,股票172蚊。自由嫂工積金80蚊,股票40蚊。自住樓市值360蚊。

 20140606自由公積金221蚊,股票300蚊。自由嫂工積金138蚊,股票185蚊。自住樓市值630蚊。

進度比理想中緩慢,本以為能提早完成, 主因可能是內銀持續疲弱及眼光不佳。但兩公婆只是基層高少少的打工仔,沒有學歷,有老父母,下有小兒,能有此成績也算理想,可能是幸運, 不用交租,無負債, 全家也有節儉及熱愛健康, 正面向上而不愛批評的性格和習慣。

因為自住的關係,樓宇不可計入一千蚊目標。工積金為高風險投資,但離職可全取,不用等到六十。總資產為844蚊,還欠156蚊才能達標。四年前恒指約20000點,今天收市約23000點。還有一年時間,未知能否令資產增加156蚊,要繼續實踐富人思想,目標定必指日可待。;)

大家也要努力, 超越我的請鼓勵我, 后面的朋友也請接受我的鼓勵.  財務自由是個人馬拉松, 沒有男女老幼及先后之分, 最重要是能享受過程, 達到目標. 加油!

(在跟沙梨小姐對答中發現,原來我計漏了30蚊負債及12蚊現金,那我還欠174蚊,我要加油!)











58 則留言:

  1. 恭喜自由一千萬大師兄進入快車道, 小弟呢架電車都要加入加快裝置, 改善前進速度

    回覆刪除
  2. 成架跑車咁快,都話慢??

    你地有車坐都好,我行路咋...>_<

    回覆刪除
  3. 自由兄真好,我仲學緊點行路...

    回覆刪除
  4. 公積金加埋夠買一間屋了

    回覆刪除
  5. 最勁係自由嫂, 股票值升左3倍幾....

    回覆刪除
  6. 厲害,向自由兄學習在財務自由路上持之以恆。

    回覆刪除
  7. 自由一千萬指日可待,我都要跟隨自由兄努力加油先得!

    回覆刪除
    回覆
    1. 老朋友言重了, 我相信富人思想是自由的根基.

      刪除
  8. 好羨慕自由嫂呀!
    點解佢嘅股票倉咁厲害可以由40萬變咗185萬,唔通佢成份糧放入去!

    回覆刪除
  9. 我都為咗引誘資投嫂同我有共同目標,我也唯有全力攪大佢.^_^

    回覆刪除
  10. 睇見我哋呢班素未謀面的志同道合一起向同一目標進發,互相扶持.......感覺興奮莫名.....各位繼續努力)))))))))

    回覆刪除
  11. 嘩!增長得好快喎,就快到喇。

    回覆刪除
  12. 自由兄自由嫂一條心, 達成目標指日可待.

    回覆刪除
  13. 以你咁樣增長資產速度,億萬身家不是夢想!

    回覆刪除
  14. 恭喜自由一千萬兄,真係好羨慕你有自由嫂同你一條心,我就只有我一個實行,進度慢好多!

    回覆刪除
  15. 厲害!絕對係好榜樣,係小弟嘅奮鬥目標,謝謝!

    回覆刪除
    回覆
    1. 你好聰明,結婚生小朋友前上咗車先,無后顧之憂。供完樓后資產會爆升。

      刪除
  16. 厲害呀!我老婆係我唯一障礙!!

    回覆刪除
  17. 這個增幅,早已擺脫了薪金的範圍限制,讚!

    我要多點來取經才行。

    回覆刪除
  18. 自由兄,你實在太成功喇!
    今早我睇完你們的身家,到依家我都未平靜下來!
    我都要將公積金轉去高風險,搞大佢先!

    回覆刪除
  19. 睇完一千萬兄呢篇文,簡直興奮莫名,鬥志旺盛

    回覆刪除
  20. 哇!之前睇漏左精采勁吖

    回覆刪除
  21. 有空update 吓,激勵吓大家吖 :D

    回覆刪除