2017年11月4日星期六

電騙案 (內容含不雅字眼, 敬請謓入)

自由外母自幼家貧, 只有小學畢業, 粗人一名. 自由嫂時常提醒她要小心電騙. 近日, 自由外母收到某某銀行來電:


銀行職員:「陳乜乜女仕妳好呀, 我地係乜國銀行打黎既.」

自由外母: 「係, 咩事干呢?」

銀行職員:「咁既, 我地發現貴戶既股票戶口增長得唔錯, 我地銀行準備UPGRADE妳做我地既星級會員, 唔知妳有冇興趣呢?」

自由外母: 「咩話? 咩呃尻我話?」

銀行職員:「喔! 唔好意思, 我意思係升級妳做我地銀行既星級會員, 等我地可以提供更佳既服務.」

自由外母: 「嗯, 咁我啲股票而家咩價呢? (意思是現值多少)」

銀行職員:「呀, 咩價.... .. 啊, 明白.  陳太, 妳既戶口總值已經超一百萬喇.」

自由外母: 「痴線! 呃我妳唔好再吹大啲. 報警拉妳丫拿!」

銀行職員:「呀!, 陳太, 唔係呀, 我地.......」

說時遲, 那時快, 聰明的自由外母已馬上CUT線.



幾天過了, 自由嫂跟自由外母喝下午茶, 自由外母剛想起前幾天的電騙事件, 叫自由嫂不用担心:

自由外母:「我以為自己中咗六合彩唔知, 最好笑佢仲話係打黎呃尻我喎,哈哈!」
自由嫂笑了笑: 「呀老母, 幾十歲人唔好成日講粗口。呢單真嫁, UP得出妳個名又知妳股票戶口有幾錢.」
自由外母猶疑了一吓「吓! 我是百萬富翁?」


基層出生的自由外母,  對她來說一百萬是天文數字, 更想不到女婿為她滾(選擇性月供,只買不賣)到一百萬了. 當然, 她不懂計算每年收取了六七萬股息的原因, 也不知道女兒身家已是她的十倍以上. 更不知道女婿的BLOG友身家是以億元為單位的.









14 則留言:

  1. 笑。。。小故事都好有意思,好禪味。

    回覆刪除
  2. 自由外母 也成了百萬富錢!

    投資原來可以很簡單,不去理它,原來做得更好! 哈哈

    回覆刪除
  3. 銀行職員都好無奈.....哈哈!!

    回覆刪除
    回覆
    1. 無奈到陳乜乜女仕變咗陳太,亂哂陣腳🙊

      刪除
  4. 幾明白,對於我d基層打工仔,真係冇諗過有一桶金,依家六合彩2獎都係派百幾萬,自由外母個晚實好似中6合彩咁,開心到訓唔著

    回覆刪除
    回覆
    1. 佢從來冇諗過係响自己乜都冇做過嘅情況下成為百萬人家😱

      刪除
  5. 咁似我老婆嘅,佢冇做嘢,淨係靠我畀佢微薄的家用, 股票都過一百萬了!
    當然,佢少講粗口啦 :p

    回覆刪除