2020年2月25日星期二

風眼中







 年月消逝中 才悟風中轉
全為貪順風 沒作主挑選

如今逆風 豪邁的奔遠
重拾心內真 撞碎風千串

嘿喲 哼嘿喲 風吹我吹不斷
嘿喲 哼嘿喲 風吹我吹不斷




「禪師,近排有冇去撲口罩同廁紙?」
冇,一向唔同人搶,二來我有做開義工。
「SO?」
呢啲情況有大量物資湧去社福機構,但機構唔好意思唔要,有多,於是乎我扐咗啲啲。

「哈咁都得?咁。。係咪都少咗出街食飯?」
都有出街食,現在是食家市,人流少,價錢平,服務佳。因為近乎冇人,相對安全。但開始社區有爆發跡象,當然响屋企最好,惹到自已唔緊要,做咗隱型人惹到其他人就唔應該。

「嗯!咁你仲有冇行山跑步呢?」
跑步少不了,日日做,要保持身體健康。行山沒了,尤其週六日,人群聚集風險高。」

「有冇入貨?」
而家風眼中冇乜人提股票同修例了,個個日日捽住啲新聞轉轉轉唔知為乜,所以我入咗少少,不過發現個市跌唔落去,工積金竟反而創新高,我都唔明。我諗聰明錢認為中國開始穏定。不過外國爆得仲勁,要防止疫情走返轉頭,唔知LOOP幾耐反而係我擔心既。
「LOOP咁大劑?。。。。。。。」
嗯!好似寫PROGRAM咁,LOOP死!




13 則留言:

  1. 跑步有没戴口罩哩?因为都几多人跑。

    回覆刪除
    回覆
    1. 冇。始終跑既人唔及行既人多。搵個冇乜人跑既地方就好.

      刪除
    2. 嗯嗯!我就改在家里做运动。

      刪除
  2. 打風好呀,有危先有機嘛

    回覆刪除
  3. 風眼中。。有誰共鳴。

    回覆刪除
  4. 我走到嚟日本行山
    都好多香港朋友,問有冇戴口罩
    買唔買到口罩畀佢哋
    風眼中,短暫和平,之後真係唔知

    回覆刪除
  5. 自由兄,政府又派錢,個1皮野又可入貨啦.

    回覆刪除
    回覆
    1. 現金一萬,還有其他差响退稅等等,當佢五萬
      今次用五萬元入貨。

      刪除
  6. 今次風浪十分大,手上所有港股一股都不會沽,希望大家安渡今次難關

    回覆刪除