2019年11月25日星期一

生活雜談

「禪師, 咁悶講個笑話你聽?」
「好」
「昨日响巴士上層睡覺, 后面個呀叔突然勁大聲講電話, 成車人醒哂 : "喂? BILLY牙? 吓, 吊你老尾我係邊個你都唔L知? 大聲公呀, 吊!"
「😅 佢真係有自知之明。」


「剛才一早去投票, 排咗成千人咁滯, 唯有返屋企」
「嗯, 你三點半左右去應少啲人」
「喺?」
三點半后.....
「禪師, 係喎, 剛才我去前面得一個人咋, 醒喎!」
「逆向思維嘛」


近日跟的士朋友吃飯, 他說生意不太大問題, 因為也多用叫車APPS(不用造成錯配), 但夜間真的難做, 水靜鵝飛. 另外行家都不想過海, 因為紅隧封了, 回程要蝕.
所以我提議乘客最好用叫車APPS, 過海的話大家就一就, 上車前說明多給些錢.



上兩週交通不便, 趁有COUPON積分, 响灣仔租咗間三星酒店住三晚, 貼住假日都係九百蚊左右, 扣埋COUPON只係用咗二百几蚊, 真係抵過住劏房, 老世又讚我敬業樂業. 不過我手上既朗廷睇黎凍過水.....



淘寶雙十一已沒了之前几年的擠塞狀況, 私集亦沒有問題, 物流改善能力頗高.


前晚去長沙灣某酒家晚餐, 免茶免芥免加一, 啤酒18蚊三罐(朋友飲), 真係平到喊...我!


剛收到短訊, 抽到一百股9988, 一於放入床下底, 80%机會自由嫂都抽唔到, 終於畀我KO佢一次.

20 則留言:

  1. 頭位
    我都全中9988.........1手...哈哈哈

    長期CD ROM

    回覆刪除
    回覆
    1. 禪師你好,初到貴境,請教一下
      當初我抱住玩下心態抽9988,但有緣抽到
      其實IPO盤數是否有太多水份,如長線投資是否先放後買回?

      刪除
    2. 因為9988早已在美國上市, 佢會跟美國同步. 留意9988=美股ALIBABA的八一, 因它是一拆八在港上市.

      所以明天開市大升机會不大.

      刪除
  2. 我以前成日都係咁諗架……喺返工地點附近買樓。😁

    回覆刪除
    回覆
    1. 對, 但后來發現呢個想法係錯既, 我唔應該為返工而買樓, 應該為唔駛返工而買樓.

      刪除
    2. 同意唔應該為"返工"而買近返工附近樓,
      但應該為"唔駛返工"而買近返工附近樓。

      長期CD ROM

      刪除
    3. 英雄所見略同, 長期CDROM你現時狀況如何? 成功在望?

      刪除
    4. 此留言已被作者移除。

      刪除
    5. 非常驚喜 禪師 的關心。 :) 有幸年前機緣巧合之下開始拜讀 禪師的blog,令我豁然開朗,萬里晴空。現時一有空就會看一下 貴blog有沒有更新,希望你多多出文,做福有緣人。
      現時狀況--自我感覺良好(原來金錢與心靈的富足同樣重要)。每個人的要求及感受都不同,沒有人可以干擾你的內在感受,除了你自己,很多時良好不良好只是一念之差。
      成功在望?--己可望到在不遠處了。 原來可以盼望也是一種福氣,而且過程中的風景往往比終點更美好更值得細味!
      其實我也有想寫blog分享的意慾,奈何實在太花時間,加上自己的執行力不足,又對blogspot的setup零認知,所以非常佩服各blogger 的用心與時間,令這個紛擾的世界多一點的美善,那怕只有那一丁點兒微不足道的力量,也可以令世界向更美好邁進多一丁點。
      禪師是少有的一個blogger可以令懶得出汁的我留言,正所謂 千金易得,知音難求,我正是你的其中一位知音人,請抽多些時間寫blog,以慰您的一幫知音人。
      謝謝你!

      長期CD ROM

      刪除
    6. 非常高興可以迫到懶人寫字或運動, 很多謝長期CDROM的留言, 一只CDROM可以變成CDRW差不多是沒可能的. 哈哈!
      懶沒問題, 可以在這裏分享你的成功之道, 讓大家可以亙相學習.
      另外未知你喜愛我寫那類東西?

      刪除
    7. 還沒有成功....還在學習著....我相信投資和做人哲理是一門你蓋上眼睛入土的一刻還是在學習著的東西。

      "另外未知你喜愛我寫那類東西?"

      每樣topic都喜歡,是一個整體,一個感覺而已,很難分是那類東西。

      長期CD ROM

      刪除
    8. 說得好,正如喜歡一个人是應該愛他的全部。希望你是女生🤣

      刪除
  3. 見你生活都好正常,就會諗冇論政治攪成點,生活都係要過
    政治野應該都係要放輕d好,唔好睇得咁重

    回覆刪除
  4. 同意。來說是非者,正是是非人,無人論政,才是好時代。咩都睇得太重,好易”玩物喪志”。

    回覆刪除
    回覆
    1. 而家好興有句「勿跟車太貼」,同樣適用。

      刪除