2017年2月3日星期五

我又抽水

「我揸咗的士11年,每月開足30日工,每日揸12個鐘,一個月平均儲蓄$17500,一夠錢就買匯控,唔理咩價位。世紀供股果期我手持5200股,到上個月終於買夠40000股,每個月收過萬蚊息,依家可以退休了! 

我同阿媽住自置頹樓,一個月用幾千蚊就夠了,以後我可以做毒L,唔較鬧鐘起床,日日打機,上網,睇書,打波了,好開心!」




此文在BLOG界引起極大迴响, 眾說紛云. 我也來抽吓水, 不過我要大讚樓主的恆心!

我見好多人又話佢假,又話獨贏滙豐好傻,又話因住減派息,又話自己多錢過佢几倍都未退休等等等。其實我都多過佢,我都唔會一注獨贏,我都未退休,但咁又點呢,最重要係睇別人優點嘛,何必雞蛋挑骨頭。要讚賞別人真係好難嗎?何況而家啲后生仔,唔月月光碌爆咭已偷笑,唔好講要佢地做足三十日,日日揸十二个鐘的士冇出街娛樂唔拍拖啦!

我認為樓主說的是真話, 很簡單, 馬后炮來說, 樓主獨贏滙豐, 其實是揀錯股, 要造假也不會選它吧! (剛睇原來四萬股HSBC STATEMENT 也貼了出來, 應好快上報紙訪問)




上面的12年圖, 大家很清楚, 咁買法應該冇乜SO, 而我比樓主好運, 我的人生首注滙豐是2009年一月買的, 是當時的58元.

似乎很多人忽略了他的毅力: 「揸咗的士11年,每月開足30日工,每日揸12個鐘」, 日做夜做冇乜娛樂, 買咗三年滙豐, 一個唔該跌到得返三十几蚊, 仲要供股, 之后浮浮沉沉到今時今日都係得66蚊, 比著係你可能跳咗樓了.

而家有40000股滙豐, 即約值$2640000

如果計佢十一年前開始每月平均買17500蚊滙豐, (當)五厘複利息計(大部份時間應冇五厘, 同埋近呢几年因為利息接近一萬, 其實唔駛咁搏):



唔買滙豐齋儲又點呢? (呢十年儲定期應該都冇乜息)


少咗75萬利息


即係話佢大部份時間係用高價買了滙豐(睇返我自已買咗八年, 唔計息都只有10%增長), 其實如果佢好似我咁响2009年一月先買, 估計用八年已可財務自由. 問題係點解佢又可以十一年財務自由呢? 理由好簡單:---- 毅力, 紀律, 佢月月嘔$17500出黎買股. 就算佢唔買股齋儲, 今日馬上扐來買滙豐, 一樣月月有約 $12000 (2310000 * 0.06 /12)股息收入.

試想一個的士司机, 揸咗的士11年,每月開足30日工,每日揸12個鐘, 而家可以做返每週開三日八小時工作日常開支, 股息再加少少繼續每月投入$17500, 再過十一年係咩環境?



以一個的士司机來說, 到時他只是44歲, 但已享受做半份工11年了, 股息每月有約 $35000 (8303461 * 0.05 / 12).  


如果22年前開始, 佢一路唔儲錢唔投資做月光族, 好彩既都可以揸到八十歲卦............

似乎好多網友唔知若要做假求其扐隻出來都好過滙豐, 又唔明咩叫財務自由, 更不知紀律, 恆心及複利的威力............. 實在大多人日做夜做為別人, 卻不肯花時間處理自己的財務, 可惜!

至於揀唔揀滙豐, 應唔應該提早退休, 應該做啲乜先有意義, 呢啲係樓主應對佢人生既個人選擇, 人人不同吧!




以下係樓主的部份解答:
-------------------------
日租$440, 紅日$390, 我朝三晏三一至五共收$1400, 六日收$1000, 開工收工免交通費, 著底衫開工都得(註: 唔知共收意思係減咗日租同氣錢未?)

我唔係月供! $50-$80 應該最多貨, 供股時供咗五手

我真係用緊 Nokia, 冇 whatsapp, line, 微訊...... 連 Facebook 都係疆屍户..

19歲考到牌, 22歲開始揸, 有咩好解釋?

每月給家用$2000

我一定比給$8000家用但唔看顧阿媽的人孝順......

我不煙不酒不粗勞, 又愛做運動, 健康係必然的! 我連近視都冇....

你講得啱, 賣旗探老人院執海灘果啲我真係覺得多L魚冇L用, 我一定唔做; 但義務補習就係唯一有意義兼自己有得著的義工, 我一定會做!

股息如果貶值, 間公司就自然會加價以增加派息來留住股東架啦, 你當啲上市公司傻架咩!

幾時開始買我唔記得, 但世紀供股時就一定有5200 股在手, 而我從冇選過以股代息, 仲有在中後期股價偏低時我就已收得較多股息, 所以$70 以下持貨率應該偏多, 當然我完全冇記低過...... 

我本身係好懶的, 以前勤力其實都係為咗以後可以懶!

29 則留言:

  1. 我淨係睇到一樣野,要財務自由,唔該早起步,唔好乜都唔做,至於買乜,我一定唔會揀5號😝

    回覆刪除
    回覆
    1. 如果向2005年你問人揀滙豐來儲, 可能大部份都話對的.

      刪除
  2. 無論點, 有一點野要欣賞是他的恆心, 長線投資, 不停儲資產, 十一年過後, 他儲的東西都是值錢的東西, 而且有一定的現金流!

    很多人做到一年一個個都可能放棄左, 佢做到11年, 已經很不錯!

    回覆刪除
  3. 我都係因為冇人儲5號仔,我先儲。

    回覆刪除
    回覆
    1. 同一只股,几時開始儲都係一種个人財技。😁

      刪除
    2. 其實好想瞭解吓,駱駝兄持有5號仔,現在的心態。

      刪除
    3. 我估同你我一樣,類似住响層樓度,升跌無關,月月免租(派息)😗

      刪除
  4. 他成功了, 我會尊重他財務自由後決定, 這個故事證明計劃,進行之後財自計劃是會有成功的一日

    回覆刪除
    回覆
    1. 對,乜都係假,最重要是先財務自由,被動收入大於薪金收入💪 其他嘢,唔犯法,唔影响他人,自己鐘意點就點。

      刪除
  5. 後生仔儲到錢總是好,好過使到卡數爆。

    回覆刪除
    回覆
    1. 對,我也漏了這个重點。大部份后生仔唔好講叫佢地有紀律投資,儲吓錢,唔月月光,唔碌爆咭已偷笑。所以該樓主絕對係年青人榜樣💪

      刪除
    2. 難怪好多人話係流料老作,滿地葡萄。

      刪除
  6. 我都係看到耐性同堅持
    11年呀,幾難呀,好佩服

    回覆刪除
  7. Um...好多,年老樓神,都係少年on99.
    一路無儲樓。
    到近十年前開始入市,步入老年才巴閉。
    早遲起步,都唔及時機重要吧。

    回覆刪除
  8. 千里之行始於足下。能為遙遠的目標肯踏出第一步,又能堅持下去,兩者都不容易。

    回覆刪除
  9. 禪師、水塘乾水~~~~哈哈、還有詳細解答~~~~

    回覆刪除
    回覆
    1. 原來漏了飛鳥兄的留言。有冇再入朗庭?

      刪除
    2. 我? 當然重倉、做的士師機麻

      刪除